الصفحة البيضاء الإنكار الحديث للطبيعة البشرية

 كتاب الصفحة البيضاء لستيفن بنكر دا مستفز فوق الوصف، سلاسة ونعومة وبساطة جميلة جدا، طرح أفكار وتأصيل تاريخي لها مع التركيز على دلالة اللغة واهميتها (النقطة دي كانت مبهرة بشكل خيالي)، وللأسف الكتب الحلوة اللي زي دي بتخليني اتمنى اني كنت اقراه بلغته الأم وفي نفس الوقت بيخليني الاحظ اكتر للفجوة المرعبة بين الترجمات العربي والمقابل لها في الاصول والترجمات الانجليزية مثلا، فارق معرفي مهول في الحجم والتأثير، في حين ان الترجمات العربي محكومة بمجهودات اغلبها له شروط تجارية او حتى مش مهتم بنقل معرفة ما، والمشاريع الحكومية بتكون غير مضمونة الجودة.